Piper Laurie

Piper Laurie
	;
Biografía
Nacemento	(en) Rosetta Jacobs ; 22 de xaneiro de 1932 ; Detroit, Estados Unidos de América
Morte	14 de outubro de 2023 (91 anos); Os Ánxeles, Estados Unidos de América
Educación	Art Students League of New York (pt) ; Los Angeles High School (en) ; Hollywood Professional School (en)
Actividade
Campo de traballo	Actuación
Ocupación	actriz de televisión, directora de cinema, actriz de teatro, actriz de cinema, actriz
Período de actividade	1950 - 2023
Familia
Cónxuxe	Joe Morgenstern (1962–1982), divorcio
Premios
	(1991) Golden Globe Award de melhor atriz coadjuvante em televisão (pt) , premiado polo traballo Twin Peaks; (1987) Primetime Emmy Award Melhor Atriz Coadjuvante em Minissérie ou Filme (pt) , premiado polo traballo Promise (pt) ; (1962) Hasty Pudding Woman of the Year ;
Descrito pola fonte	Babepedia >>>:Piper Laurie

Rosetta Jacobs, nada en Detroit (Míchigan) o 22 de xaneiro de 1932 e finada nos Ánxeles o 14 de outubro de 2023,^[1] foi unha actriz estadounidense, coñecida como Piper Laurie. É célebre polos seus papeis nos filmes O buscavidas (1961), Carrie (1976) e Fillos dun deus menor (1986), polos que recibiu candidaturas ao Óscar. Tamén é coñecida pola súa interpretación de Kirsten Arnesen no produción televisiva Days of Wine and Roses e de Catherine Martell na serie Twin Peaks.

Traxectoria

O pai de Laurie era un inmigrante polaco que se dedicaba á venda de mobles.^[2] A súa nai era estadounidense de orixe rusa.^[3]^[4]^[5] Cando tiña seis anos, a familia trasladouse aos Ánxeles. Laurie era unha nena guapa cunha rechamante cabeleira rubia, mais era moi tímida. Por iso, os seus pais enviárona a clases de dicción e co tampo foi tamén a clases de interpretación nunha escola local.

Cando Laurie cumpriu dezasete anos, os Universal Studios fixáronse nela e asinaron un contrato.^[3] Nese momento adoptou o seu nome artístico. En 1950 foi seleccionada para o seu primeiro filme, Louisa, en que coincidiu con Ronald Reagan, co que tivo varias citas antes de que el casase con Nancy Davis. Na autobiografía de Laurie, Learning to Live Out Loud, conta que verdeu a súa virxindade con el.^[6] Pouco despois actuou no seu segundo filme, desta vez con Tony Curtis, co que apareceu en varios filmes posteriores. O estudio encadrou a Laurie no papel de moza atractiva, inxenua e con pouca cabeza e non lle ofrecían papeis en que puidses amosar os seus dotes interpretativos. Aínda que cunha paga semanal de dous mil dólares, Laurie estaba moi ben retribuída, finalmente cansou e comunicou ao seu axente que abandonaba o seu traballo na Universal, sen importarlle as consecuencias.

En 1952 acababa de cumprir vinte anos cando se realizou o primeiro concurso de Miss Universo, e ela foi quen coroou a gañadora, a finlandesa Armi Kuusela. Foi escollida por ser a icona da beleza do momento.

Finalmente, Laurie puido marchar sen maiores inconvenientes e trasladouse a Nova York para reiniciar os seus estudos de interpretación.^[7] Ao mesmo tempo, actuou en programas de televisión en directo. En 1957 recibiu unha oferta interesante para un filme, o que a levou novamente ao cinema. A súa verdadeira oportunidade xurdiu en 1961 cando interpretou a amiga discapacitada de Paul Newman en O buscavidas, polo que foi candidata ao Oscar á mellor actriz secundaria. Nesa época casou e cando non recibía ofertas interesantes retirábase á súa casa de Woodstock, preto de Nova York, onde se dedicaba ás tarefas domésticas e á súa filla.

En 1965 interpretou a Laura na montaxe de The Glass Menagerie de Tennessee Williams en Nova York, compartindo cartel con Maureen Stapleton.^[8] Tamén comezou a volver aparecer na televisión e foi aceptando ao longo das seguintes décadas un número crecente de papeis en telefilmes e miniseries.

En 1976 Laurie aceptou un papel no filme Carrie, protagonizado por Sissy Spacek. Nel encarnou á nai relixiosa e excéntrica dunha moza tímida e con problemas psíquicos. Pola súa interpretación obtivo a segunda candidatura ao Oscar e relanzou a súa carreira.^[9] A terceira conseguiuna en 1986 polo seu papel de nai dunha moza xorda en Fillos dun deus menor.^[10] O mesmo ano gañou un Emmy pola súa interpretación no telefilme Promise, con James Garner.^[11]

Filmografía

Ano	Título	Papel	Notas
1950	Louisa	Cathy Norton
1950	Milkman, TheThe Milkman	Chris Abbott
1951	Francis Goes to the Races	Frances Travers
1951	Prince Who Was a Thief, TheThe Prince Who Was a Thief	Tina
1952	Has Anybody Seen My Gal?	Millicent Blaisdell
	Son of Ali Baba	Princess Azura of Fez / Kiki
	No Room for the Groom	Lee Kingshead
1953	Golden Blade, TheThe Golden Blade	Khairuzan
1953	Mississippi Gambler, TheThe Mississippi Gambler	Angelique "Leia" Dureau
1954	Johnny Dark	Liz Fielding
	Dangerous Mission	Louise Graham
	Dawn at Socorro	Dance Hall Girl
1955	Ain't Misbehavin'	Sarah Bernhardt Hatfield
1955	Smoke Signal	Laura Evans
1957	Until They Sail	Delia Leslie Friskett
1961	O buscavidas	Sarah Packard	Candidata ao Oscar á mellor actriz Candidata ao BAFTA á mellor actriz Candidata ao premio Laurel ás mellores interpretacións dramáticas (2.ª) Candidata ao New York Film Critics Circle Award á mellor actriz (3.ª)
1976	Carrie	Margaret White	Candidata ao Oscar á mellor actriz secundaria Candidata ao Globo de Ouro á mellor actriz secundaria
1977	Ruby	Ruby Claire
1978	Rainbow	Ethel Gumm
1979	Tim	Mary Horton
1981	The Bunker	Magda Goebbels
1985	Return to Oz	Aunt Em
1986	Fillos dun deus menor	Mrs. Norman	Candidata ao Oscar á mellor actriz secundaria
1986	Promise	Annie Gilbert	Telefilme Emmy á mellor actriz secundaria en miniserie e telefilme Candidata ao Globo de Ouro á mellor actriz secundaria en serie, miniserie ou telefilme
1988	Appointment with Death	Emily Boynton
1988	Tiger Warsaw	Frances Warsaw
1989	Dream a Little Dream	Gena Ettinger
1991	Other People's Money	Bea Sullivan
1992	Storyville	Constance Fowler
1993	Wrestling Ernest Hemingway	Georgia
	Trauma	Adriana Petrescu
	Lies and Lullabies	Margaret Kinsey	Telefilme
1995	The Grass Harp	Dolly Talbo	Southeastern Film Critics Association Award á mellor actriz secundaria
1995	Fighting For My Daughter	Judge Edna Burton	Telefilme
1997	A Christmas Memory	Jennie
1998	Faculty, TheThe Faculty	Mrs. Olson
2004	Eulogy	Charlotte Collins
2007	Hounddog	Grammie
2009	Another Harvest Moon	June
2010	Hesher	Madeleine Forney
2018	White Boy Rick	Vera Wershe

Notas

↑ Barnes, Mike (14 de outubro de 2023). "Piper Laurie, Actress in 'The Hustler,' 'Carrie' and 'Twin Peaks,' Dies at 91". The Hollywood Reporter (en inglés). Arquivado dende o orixinal o 15 de outubro de 2023. Consultado o 14 de outubro de 2023.
↑ "Piper Laurie Biography". filmreference. 2008. Consultado o 1 de setembro de 2008.
↑ ^3,0 ^3,1 Richard G. Hubler (20 de xuño de 1953). "Article From Colliers Magazine". Colliers. Arquivado dende o orixinal o 03 de agosto de 2009. Consultado o 26 de setembro de 2008.
↑ "Piper Laurie profile at Yahoo!". Arquivado dende o orixinal o 05 de abril de 2006. Consultado o 21 de agosto de 2019.
↑ "Deseretnews.com". Arquivado dende o orixinal o 05 de outubro de 2018. Consultado o 21 de agosto de 2019.
↑ Daniel Bates, "Virgin starlet claims Ronald Reagan was a 'show-off' in bed after seducing her on set of 1950s film in which he played her father", The Daily Mail, 14 de novembro de 2011. Consultado o 18 de xullo de 2013.
↑ "Playing One of the Kinkiest Villains Ever Seen on TV, Piper Laurie Reaches Another Acting Crest in Twin Peaks". Time Inc. Arquivado dende o orixinal o 04 de marzo de 2016. Consultado o 30 de decembro de 2015.
↑ "The Glass Menagerie". Playbill Inc. Consultado o 30 de decembro de 2015.
↑ "Tinseltown Talks: Piper Laurie goes from Gipper to Carrie". Thde Oakland Press. Consultado o 31 de decembro de 2015.
↑ Sherrod, Kerryn. "Children Of A Lesser God". Turner Classic Movies Database. Turner Classic Movies. Consultado o 31 de decembro de 2015.
↑ Roberts, Jerry (5 de xuño de 2009). Encyclopedia of Television Film Directors. Laanham, Maryland: Scarecrow Books/Google Books. p. 862. ISBN 9780810861381.

Véxase tamén

Ligazóns externas

Piper Laurie at Virtual History
Interview with Piper Laurie, 25 de agosto de 2014, Classic Film & TV Cafe
– Interview with Piper Laurie. The Spectrum, xaneiro de 2016.

[1] Barnes, Mike (14 de outubro de 2023). "Piper Laurie, Actress in 'The Hustler,' 'Carrie' and 'Twin Peaks,' Dies at 91". The Hollywood Reporter (en inglés). Arquivado dende o orixinal o 15 de outubro de 2023. Consultado o 14 de outubro de 2023.

[2] "Piper Laurie Biography". filmreference. 2008. Consultado o 1 de setembro de 2008.

[Hubler-3] 3,0 ^3,1 Richard G. Hubler (20 de xuño de 1953). "Article From Colliers Magazine". Colliers. Arquivado dende o orixinal o 03 de agosto de 2009. Consultado o 26 de setembro de 2008.

[4] "Piper Laurie profile at Yahoo!". Arquivado dende o orixinal o 05 de abril de 2006. Consultado o 21 de agosto de 2019.

[5] "Deseretnews.com". Arquivado dende o orixinal o 05 de outubro de 2018. Consultado o 21 de agosto de 2019.

[6] Daniel Bates, "Virgin starlet claims Ronald Reagan was a 'show-off' in bed after seducing her on set of 1950s film in which he played her father", The Daily Mail, 14 de novembro de 2011. Consultado o 18 de xullo de 2013.

[People-7] "Playing One of the Kinkiest Villains Ever Seen on TV, Piper Laurie Reaches Another Acting Crest in Twin Peaks". Time Inc. Arquivado dende o orixinal o 04 de marzo de 2016. Consultado o 30 de decembro de 2015.

[8] "The Glass Menagerie". Playbill Inc. Consultado o 30 de decembro de 2015.

[9] "Tinseltown Talks: Piper Laurie goes from Gipper to Carrie". Thde Oakland Press. Consultado o 31 de decembro de 2015.

[10] Sherrod, Kerryn. "Children Of A Lesser God". Turner Classic Movies Database. Turner Classic Movies. Consultado o 31 de decembro de 2015.

[11] Roberts, Jerry (5 de xuño de 2009). Encyclopedia of Television Film Directors. Laanham, Maryland: Scarecrow Books/Google Books. p. 862. ISBN 9780810861381.

[1]

[2]

[3]

[4]

[5]

[6]

[7]

[8]

[9]

[10]

[11]